_1692346234_1692579957_1696057934.jpg)
इटहरी । नेकपा (एमाले) मोरङको पार्टी कार्यालयमा आगजनी भएको छ । जेनजी समूहका प्रदर्शनकारीले आगजनी गरिदिएका हुन् । आन्दोलनमा उत्रिएको समूह प्रवेश गरेर पार्टी कार्यालयमा आगजनी गरेको प्रहरीले जनाएको छ । विराटनगर पाञ्चाली स्थित कार्यालयमा आगजनी भएको र नियन्त्रणमा लिने प्रयास भइरहेको प्रहरीले उल्लेख गरेको छ ।
काठमाडौं । प्रधानमन्त्री केपी शर्मा ओलीको निजी निवास बालकोट नजिकै प्रदर्शनकारी र प्रहरीबीच झडप भएको छ । झडपमा प्रहरीको गोली लागेर एक जना घाइते भएका छन् । घाइतेलाई प्रदर्शनकारीले नै अस्पताल लगेका छन् । प्रधानमन्त्रीविरुद्ध चर्का नाराबाजी गर्दै तोडफोडमा उत्रिएका प्रदर्शनकारीलाई भगाउन प्रहरीले शुरूमा हवाई फायर गरेको थियो । केही सेल अश्रुग्यास प्रहार गर्दा पनि उनीहरू तितरबितर नभएपछि गोली चलाउनु परेको प्रहरीले जनाएको छ।
काठमाडौं । प्रदर्शनकारी संसद् भवन प्रवेश गर्न खोजेपछि प्रहरीले गोली चलाएको छ । ठूलो संख्यामा सडकमा उत्रिएका प्रदर्शनकारी मंगलबार पनि संसद् भवनभित्र प्रवेश गर्न खोजेपछि प्रहरीले संसद् भवन परिसरबाट गोली चलाएको फिल्डमा रहेका नेपालभ्युजकर्मीले जानकारी दिए । यसअघि प्रहरीले अश्रुग्याससमेत प्रहार गरेको थियो ।
इटहरी । विराटनगरमा प्रदर्शनकारीले आन्तरिक राजश्व कार्यालयमा तोडफोड गरेका छन् । प्रदर्शनकारीले ट्राफिक चोकस्थित आन्तरिक राजश्व कार्यालयमा तोडफोड गरेका छन् । विराटनगरका केही भागमा कर्फ्यु आदेश जारी भएको छ । तर, प्रदशर्न भने जारी छ । केही समयअघि स्थानीय भट्टिमोडमा ट्रफिक प्रहरी बिट आगजनी गरेको समूह राजश्व कार्यालयतर्फ अघि बढेको थियो । कोसी प्रदेशसभानजिकैको देवकोटा चोक क्षेत्रमा प्रदर्शनकारीले टायर बालेर विरोध गरिरहेका छन् । त्यहाँ सुरक्षा तैनाथी बढाइएको छ ।
काठमाडौं। अस्ट्रेलियामा रहेको नेपाली राजदूतावासबाट राष्ट्रपति रामचन्द्र पौडेल र प्रधानमन्त्री केपी शर्मा ओलीको फोटो निकालिएको छ। आक्रोशित युवाहरूको भिडले भित्तामा रहेको उनीहरूको फोटो डस्बिनमा फालिदिएका हुन्। एनआरएनए अस्ट्रेलियाको पदाधिकारी र स्वतस्स्फुर्त दूतावासमा ज्ञापनपत्र बुझाउन गएको टोलीका सदस्यहरुले राजदूतको कार्यलयमा टागिएको फोटो हटाएको हो।
काठमाडौं । जेन–जी पुस्ताले सुरू गरेको आन्दोलनमा सरकारले बल प्रयोग गरेपछि आक्रोशित आन्दोलनकारीहरू नेपाली कांग्रेसका महामन्त्री गगनकुमार थापाको घर आगजनी गरेका छन् । उनीहरूले केहीबेर अघि महामन्त्री थापको रातोपुलस्थित थापा निवासमा आगो लगाए हुन् । त्यसअघि आन्दोलनकारीहरूले नजिकै रातोपुलमा अवस्थित प्रहरी बिटमा आगो लगाएका थिए ।
काठमाडौं । राष्ट्रिय स्वतन्त्र पार्टीको आकस्मिक संसदीय दल बैठक बसेको छ। पार्टी कार्यालय चस्मतिमा मंगलबार जारी बैठकमा सबै सांसदले राजीनामा दिने विषयमा छलफल भइरहेको छ। डा। तोसिमा कार्की, असिम शाह, निशा डाँगी लगायतले राजीनामाको घोषणासमेत गरिसकेका छन्। जेनजीको आन्दोलन चर्कंदै गएको छ। सोमबार प्रदर्शनमा १९ जनाको मृत्यु भएको थियो।
काठमाडौं । प्रधानमन्त्री केपी शर्मा ओलीको निवास बालकोटमा प्रदर्शनकारीले तोडफोड गरेपछि प्रहरीले गोली चलाएको छ । ओलीको निवास प्रदर्शकारीले कब्जा गर्ने प्रयास गरेपछि सुराक्षकर्मीले गोली चलाएका हुन् । सोमबर जेन जीहरुले गरेको प्रदर्शनमा सकारले बल प्रयोग गरी १९ युवाका हत्या गरेपछि आक्रोसित बनेका नागरिकहरुले पार्टी कार्यालय र नेताका निवासहरुलाई लक्षित गर्दै आक्रमण गरीरहेका छन् । सोही क्रममा बालकोटस्थित ओली निवास कब्जा गर्न पुगेको प्रदर्शनकारीमाथि प्रहरीले गोली चलाएको हो । गोली लागेर दुई जना घाइते भएको जनाइएको छ । यसअघि प्रदर्शनकारीले कांग्रेस सभापति शेरबहादुर देउवा र माओवादी केन्द्रका अध्यक्ष प्रचण्ड
इटहरी । काठमाडौंलगायत देशभर जेन–जी पुस्ताद्वारा शान्तिपूर्ण रूपमा आयोजित विरोध प्रदर्शनका क्रममा सरकारले गरेको दमनको माओवादी केन्द्र कोशीले निन्दा र भत्र्सना गरेको छ । आन्दोलनलाई दमन गरेर रोक्न नसकिने इतिहासमा पुष्टि भइसकेको भन्दै माओवादी केन्द्र कोशीका अध्यक्ष हर्कबहादुर नेम्वाङ मिक्सोले विज्ञप्ति जारी गर्दै सरकारले विवेक गुमाएको र जनताको भावना बुझ्न असफल भएको टिप्पणी गरेको छ । ‘१७ जना युवाको हत्या भएको र २ सयभन्दा बढी घाइते भएको प्रारम्भिक रिपोर्टप्रति हाम्रो गम्भीर ध्यानाकर्षण भएको छ । यो अमानवीय घटनाले हाम्रो पार्टीलाई स्तब्ध, दुःखी र आक्रोशित बनाएको छ,’ विज्ञप्तिमा भनिएको छ, ‘भ्रष्टा
इटहरी । विराटनगरमा जेनजी पुस्ताले चलाइरहेको आन्दोलन मंगलबार बिहानैदेखि उग्र बनेको छ । प्रदर्शनकारीहरू कोशी प्रदेशसभा भवनभित्र पस्न खोजेपछि स्थिति तनावपूर्ण बनेको हो । सयौंको संख्यामा रहेका युवाहरू पूर्व र पश्चिम दुवै दिशाबाट प्रदेशसभा सचिवालयतर्फ अघि बढेपछि प्रहरीसँग धक्का–मुक्की सुरु भएको थियो । ब्यारिकेट तोड्न खोजेपछि प्रहरीले अवस्थालाई नियन्त्रणमा लिन अश्रुग्यास प्रहार गरेको छ । प्रहरीले केही सेल अश्रुग्यास प्रहार गरिएको जनाएको छ । लाठीचार्जसमेत गरिएको छ । कोशी प्रदेशसभा प्रवेश गर्न खोजेपछि दोहोरो झडप भएको छ । आन्दोलनकारीहरूले विराटनगर बजार जबर्जस्ती बन्द गराएका छन् । उनीहरूले सडकमा टायर बा
Copyright © 2021/2026 - Koshi Press - All Rights Reserved.
