_1692346234_1692579957_1696057934.jpg)
सुन्दरहरैंचा, मिलन अधिकारी । सुन्दरहरैंचा गछिया युवा समाजको आयोजनामा जारी एनि प्रथम गछिया गोल्डकप–२०८२ को पहिलो सेमिफाइनल खेल जित्दै गाइघाट युनाईटेड फुटबल क्लब फाइनलमा प्रवेश गरेको छ ।
आज गाइघाट युनाईटेड फुटबल क्लब र सहलेश युवा क्लब सिराहाको खेलका प्रमुख अतिथि सुन्दरहरैंचा–५ का वडा अध्यक्ष गणेश चौधरी हुनुहुन्थ्यो । खेल पहिलो हाफमा दुबै टोलीले गोल गर्ने प्रयास गरे पनि कुनै पनि गोल भएन । दोस्रो हाफको ३१ मिनेटमा गाइघाट युनाईटेड फुटबल क्लबका जर्सी नम्बर १७ सुनिल खड्काले १ गोल गरे । यो गोलले नै गाईघाट युनाईटेड फुटबल क्लबका लागि गोल्डकपको फाइनल प्रवेश गराएको हो ।
निर्धारित समय सम्म पनि सहलेश युवा क्लब सिराहाले गोल गर्ने प्रयास गरे पनि कुनै पनि गोल गर्ने सकेन । यो सङै १-० को अन्तरले गाइघाट युनाईटेड फुटबल क्लबले फाइनलको यात्रातय गरेको हो ।
आजको ‘म्यान अफ द म्याच’ गाइघाट युनाईटेड फुटबल क्लबका जर्सी नम्बर ८ का विवेद राई भएका छन् । उनलाई ५ हजार १ सय रुपैयाँ पुरस्कार प्रदान गरिएको छ ।
दोस्रो सेमिफाइनलमा गछिया युवा समाज र राष्ट्रिय जागृती फुटबल क्लब इटहरी विच सेमिफाइनल खेल भोलि दिउँसो २ बजे बाट सुरु हुने खेल संयोजक प्रलाद थोप्रा लिम्बुले जानकारी दिनुभएको छ ।
प्रतियोगितामा विजेता टोलीलाई २ लाख १ हजार, उपविजेतालाई १ लाख १ हजार, ‘म्यान अफ द सिरिज’लाई २५ हजार, उत्कृष्ट खेलाडी तथा प्रशिक्षकलाई जनही ११ हजार रुपैयाँ पुरस्कार प्रदान गरिनेछ । साथै, सुन्दरहरैंचा नगरपालिकाका १२ वडाका २४ जना ज्येष्ठ नागरिकलाई सम्मान र शारीरिक अपांगता भएका २ नागरिकलाई व्हिलचेयर प्रदान गरिनेछ । दीर्घकालीन योगदान दिएका स्थानीय खेलाडीहरूलाई पनि सम्मान गरिने गछिया युवा समाजका अध्यक्ष सरोज दाहालले बताउनु भयो । प्रतियोगिता २२ गतेसम्म सञ्चालन हुनेछ ।
