_1692346234_1692579957_1696057934.jpg)
झापा / जनसेवा र देशसेवा केवल भाषण वा नाराबाट मात्र पूरा हुँदैन, यसको लागि अहोरात्र समर्पण, जवाफदेहित्ता र निरन्तर क्रियाशीलता आवश्यक हुने कुरा सबैले स्वीकार गरेका छन्।
यिनै मूल्य र सिद्धान्तलाई आत्मसात गर्दै, हल्दिबारी गाउँपालिकामा आज आधारभूत अनुगमन कार्य सम्पन्न गरिएको छ। अनुगमनको क्रममा मान्यजन तथा स्थानीय नागरिकहरूको स्वास्थ्य अवस्था बुझ्ने काम प्राथमिकताका साथ गरिएको जनाइएको छ।
अनुगमन टोलीका अनुसार, स्थानीय समुदायसँग प्रत्यक्ष संवाद, सेवा उपलब्धतामा देखिएका चुनौती तथा आवश्यक सुधारबारे विस्तृत जानकारी संकलन गरिएको छ।
हल्दिबारी गाउँपालिकाका अध्यक्ष रविन्द्र लिङ्देनले अनुगमनको क्रममा भने: “जनताको सेवामा रहनु भनेको पदमा बस्नु मात्र होइन, निरन्तर जिम्मेवारीपूर्वक समुदायसँगै रहेर समस्या बुझ्नु र समाधानमा सक्रिय रहनु हो। हल्दिबारीका नागरिकको स्वास्थ्य, सुरक्षा र विकास हाम्रो पहिलो प्राथमिकता हो।” उनका अनुसार गाउँपालिकाले स्वास्थ्य, शिक्षा तथा स्थानीय पूर्वाधारमा देखिएका न्यूनताहरू क्रमिक रूपमा समाधान गर्न दीर्घकालीन योजना अघि बढाइरहेको छ। अनुगमनका क्रममा देखिएका सकारात्मक परिवर्तन तथा सुधारका आवश्यक बिन्दुहरू पुनः समीक्षा गरी आगामी योजनामा समावेश गरिने जनाइएको छ।
