पोखरीमा ब्रम्हाको मुर्ती राखेकोमा थारु महिला सभा द्धारा आपत्ती

इटहरी । इटहरी उपमहानगरपालीका वडा नम्बर ४ स्थित पोखरीमा  निर्माण भएको  ब्रह्माको मुर्ती हटाउनु पर्ने माग सहितको ज्ञापन पत्र बुझाएको छ । 

थारु जातीको सांस्कृतीक पहिचान बोकेको उक्त पोखरीमा  निर्माण भएको मुर्ती  स्थापना गरेर थारुहरुको पहिचानमा धावा बोल्ने कार्य भएको उल्लेख गर्दै उक्त मुर्ती अविलम्ब हटाउन ज्ञापन पत्रमा माग गरीएको छ ।

       थारु कल्याण्कारी सभा ४ नम्वर वडा कार्यसमिति इटहरीले इटहरी वडा नम्वर ४ का वडा अध्यक्ष भक्त लामा तामाङ र इटहरी नगर प्रमुख हेमकर्ण पौडेल समक्ष उक्त संरचना हटाउनु पर्ने माग सहितको ज्ञापन पत्र बुझाएको छ । 

 साथै इटहरी उपमहानगरपालीका कार्यलयले थारु समुदायलाइ नगरको पहिलो जातीको रुपमा घोषणा गरेको भए पनी थारुको भावना परम्परा प्रति अंकुश लगाएको समितिको आरोप छ । 

उक्त संरचना सम्बन्धमा आफु अनविज्ञ रहेको इटहरी ४ का वडा अध्यक्ष भक्त लामा तामाङ बताउँछन । 

यता थारु महिला सभा केन्द्रिय सचिव शुशीला चौधरी भने स्थानीय सरकारले आफु चोखीनलाइ यस विषयमा थाहा छैन भनेको बताउँछिन । साथै आउने जीतीयासम्म उक्त मुर्ती स्थानतरण गर्न स्थानीय सरकार अटेर भएमा आफुहरु चुप लागेर नबस्ने उनको चेतावनी रहेको थियो । 

उक्त निर्णय पुर्व सरकारले गरेको उल्लेख गर्दै इटहरी नगर प्रमुख हेमकर्ण पौडेल ले उक्त मागपत्र कार्यपालीका बैठकमा प्रस्तुत गर्ने  र कार्यपालिका ले नै निर्णय गर्ने बताउनुभयो ।