_1692346234_1692579957_1696057934.jpg)
इटहरी । सुनसरीको इटहरीमा प्रदेश स्तरीय मल्टीमिडिया र पत्रकारिता विषयक अभिमुखीकरण गोष्ठी आयोजना गरिएको छ । नेपाल आदिवासी जनजाती पत्रकार महासंघ फोनिज प्रदेश समितिको आयोजना र इटहरी उपमहानगरपालीकाको सहयोगमा दुइ दिने अभिमुखीकरण गोष्ठी आयोजना गरिएको हो ।
बैसाख ३० देखी ३१ गतेसम्म सञ्चालन भइरहेको उक्त गोष्ठीमा पत्रकारितामा नँया प्रविधीको प्रयोगबारे प्रशिक्षण सम्बन्धित सहजिकरण गरिएको छ । फोनिज प्रदेश समिती अध्यक्ष सन्तविर लामाको अध्यक्षता तथा इटहरी उपमहानगरपालीकाका कार्यवाहक नगर प्रमुख दिवश पोखरेलको प्रमुख आतिथ्यतामा भएको अभिमुखीकरणमा अक्षर र भिडियोको माध्यमबाट गरिने पत्रकारिताका विषयहरु रिपोर्टीङ र प्रस्तुतिकरणको शैलीहरु, इन्टरनेटमा सुचना कसरी खोज्ने लगायतका विषयमा सहजिकरण गराएका थिए ।
सुप्रिया राईको संयोजकत्वमा सञ्चालन भइरहेको तालिममा सुनसरी, मोरङ, झापा, धनकुटा लगायतका जिल्लाका ३० जनाभन्दा बढी आदिवासी जनजाती पत्रकारहरुको सहभागीता रहेको छ ।
