_1692346234_1692579957_1696057934.jpg)
सुनसरी : इटहरीमा मोटरसाइकल दुर्घटना हुँदा दुईजना युवकको मृत्यु भएको छ ।
इटहरी वडा नम्बर- १२ खनार ट्रान्सपोट नजिक दुईवटा मोटरसाइकल एकापसमा विराटनगरबाट इटहरी आउने क्रममा प्रदेश १-०२-०४६ प १९६७ र विपरीत दिशाबाट जाँदै गरेको प्रदेश १-०२-०४६ प ७२५८ नम्बरको मोटरसाइकल आज (शुक्रबार) बिहान ९:३० बजेतिर एकापसमा ठक्कर भइ दुर्घटना भएको हो ।
एकापसमा ठोक्किएर अनियन्त्रित भएको मोटरसाइकल स १ ख ८१६ नम्बरको बससँग ठोक्किएको थियो ।
दुर्घटनामा सुनसरीको देवानगन्ज ५ घर भइ दुहबी ८ बस्ने २३ वर्षीय पवन कुमार साह र विराटनगर १ बस्ने १९ वर्षीय अजित थापाको मृत्यु भएको हो । गम्भीर घाइते भएका उनीहरूको उपचारको क्रममा मृत्यु भएको इलाका प्रहरी कार्यालय इटहरीले जनाएको छ ।
दुर्घटनामा विराटनगर महानगरपालिका २ का सुशान्त दाहाल घाइते भएका छन् । उनको विराट-नर्सिङ होममा उपचार भइरहेको छ । घटनाबारे थप अनुसन्धान भइरहेको प्रहरीले जनाएको छ ।
