_1692346234_1692579957_1696057934.jpg)
सुनसरी / रिटर्नी फेडेरेसन नेपाल संगठन सुदृढीकरण तथा सवलीकरण अभियान चलाएको छ ।
रिटर्नी फेडेरेसन नेपाल कोशी प्रदेश कमिटी अन्तरगतका जिल्लाहरुको सङ्गठन सुदृढीकरण तथा सवलीकरण अभियानको २०८० को उदयपुर जिल्लाको गाईघाटमा २१ गते संगठनका केन्द्रीय अध्यक्ष उत्तम अधिकारीले उदयपुर जिल्लाबाट शुरु गरेका थिए । पहिलो चरण मा रहेका १० जिल्ला लाई २ भागमा बिभाजन गरि अभियान शुरु गरिएको हो।
२२ गतेदेखि एउटा टोलिले धनकुटा ,तेह्रथुम ,संखसभा र अर्को टोलिले इलाम, पाँचथर ,ताप्लेजुङ ,झापामा कार्यक्रम गरि दुइओटा टोलि फर्केपछि २५ गते इटहरीमा मोरङ र सुनसरीको संयुक्त भेला कोशी प्रदेश कमिटीको आयोजना गरि समापन गरिएको थियो ।
कार्यक्रममा सङ्गठनको अवस्था, उद्देश्य, महत्त्व, अबको बाटो तथा सङ्गठनले पैदा गर्ने अवसर र त्यसका लागि गर्नुपर्ने योगदान तथा निरन्तरको क्रियाशिलताको लागि अवलम्बन गर्नुपर्ने उपायहरु बारे अन्तरक्रियात्मक रूपमा छलफल भएको थियो । यो अभियानले पार्टीले संचालन गरेको झुलाघाट - चिवाभञ्ज्याङ् समृद्धिको लागि संकल्प यात्रामा कोशी प्रदेश भरिका रिटर्नी प्रतिनिधिहरूको उपस्थिति रहने भएको छ ।
आइतबार इटहरीमा भएको कार्यक्रममा संगठनका उपाध्यक्ष बिनोद भट्टराई, सालिकराम बस्याल , महासचिव जेपि सापकोटा उपमहासचिव भरत शिवाकोटी, प्रदेश इन्चार्ज नबराज श्रेष्ठ , प्रदेश सह इन्चार्ज मदन बोहोरा, केन्द्रिय सदस्य रामनाथ भण्डारी , कोशी प्रदेश कमिटीका अध्यक्ष टि एन बराल, कोशी प्रदेश उपाध्यक्ष धर्मेन्द्र खड्का संगठनका प्रतिनिधिहरू सहभागीता रहेका थिए ।
रिटर्नीहरुको सामाजिक, आर्थिक राजनैतिक पुर्नस्थापना ,सामूहिक लगानी/पूँजी निर्माणः, प्रविधि आदान प्रदान गर्ने , वैदेशिक लगानीमाको सम्भावना ,वैदेशिक रोजगारका समस्या न्युनिकरण गर्ने , पर्यटन प्रवर्द्वन गर्ने सम्भावना रहेको छ ।
विदेशमा रहँदा टाढिएको राजनैतिक, आर्थिक, सामाजिक र पारिवारिक सम्बन्धलाई पुनर्स्थापित गर्दै आर्जन गरेको ज्ञान, सीप, पूँजी र प्रविधिलाई प्रयोग गरी उद्यमशिलता र रोजगारको क्षेत्रमा उपयोग गर्ने उद्धेश्यले अभिप्रेरितका काम गर्दै आएको रिटर्नी फेडेरेसन नेपालका उपाध्यक्ष उत्तम अधिकारीले बताए ।
