_1692346234_1692579957_1696057934.jpg)
सुनसरी/ सुनसरीकाे इटहरी उपमहानगरपालिका वडा नं. ७ स्थित शिव पार्वती टोलमा ज्येष्ठ नागरिक दिवा सेवा केन्द्र भवनको शिलान्यास गरिएकाे छ ।
उक्त भवनकाे शिलान्यास कार्यक्रमाका प्रमुख अतिथि पूर्व महिला बालबालिका तथा ज्येष्ठ नागरिक मन्त्री सांसद् भगबती चौधरीले गर्नुभएको हाे । महिला मन्त्रालयको आ.ब. २०८१/०८२ को बजेटमा निर्माण हुन लागिरहेको ज्येष्ठ नागरिक दिवा सेवा केन्द्र भवनको शुक्रबार शिलान्यास गरिएको हो ।
कार्यक्रममा बोल्दै प्रमुख अतिथि पूर्व महिला बालबालिका तथा ज्येष्ठ नागरिक मन्त्री सांसद् भगबती चौधरीले भन्नु भयो :- हाम्रो गाउँ/नगरपालिकाको सामाजिक विकासमा आज एक ऐतिहासिक कदम चालिएको छ। ज्येष्ठ नागरिक दिवा सेवा केन्द्र भवनको शिलान्यास केवल एउटा भौतिक संरचनाको सुरुवात होइन—यो हाम्रो संस्कृति, हाम्रो कर्तव्य र हाम्रो मानवीय मूल्यहरूको मूर्त रूप हो। यो भवन एक यस्तो स्थान हुनेछ, जहाँ हाम्रो पुस्ताले आफ्ना अनुभव, भावना र सन्देश साटासाट गर्न सक्नेछन्, जहाँ उहाँहरूलाई सम्मानपूर्वक समय बिताउने, रमाइलो गर्ने र सामाजिक गतिविधिमा संलग्न हुने अवसर प्राप्त हुनेछ।
ज्येष्ठ नागरिकहरू समाजका मेरुदण्ड हुन्। उहाँहरूको योगदान बिना हाम्रो आजको प्रगति सम्भव थिएन। अहिलेको पुस्ताले उहाँहरूबाट मार्गदर्शन लिन जरुरी छ। यही सोचले हामीले यो केन्द्र निर्माण गर्ने निर्णय गरेका हौं, र आज शिलान्यास साक्षी बनेर हामीले यो जिम्मेवारीको थालनी गरेका छौं।
यस काममा सहयोग गर्नुहुने संघ, संस्था, निर्माण समितिका सदस्यहरू, जनप्रतिनिधिहरू र सबै दाताहरूप्रति आभार व्यक्त गर्न चाहन्छु। साथै, आगामी दिनमा पनि सबैको साथ, सहयोग र सुझावको अपेक्षा राख्दछु।
कार्यक्रममा जेष्ठ नागरिक इटहरी ७ का अध्यक्ष : भव कृष्ण न्यौपाने, ज्येष्ठ नागरिक दिवा सेवा केन्द्र भवन निर्माण समितिका अध्यक्ष नरेन्द्र ब कार्की, शिव पार्वती मन्दिर व्यवस्थापन समिति अधयक्ष : बसन्त कार्की, इटहरी ७ का जनप्रतिनिधिहरु : नेत्र गुरागाईं, दिपक घिमिरे, राधा आचार्य, ललिता सदा लगायत सुकल्प र शिव पार्वती टोल का समाजसेवी व्यक्ति हरुको उपस्थिति रहेको थियो।
_1786190056.jpg)
