कोशी प्रदेश बीमा प्राधिकरणको ५७ औं वार्षिकोत्सवको अवसरमा रक्तदान

विराटनगर। नेपाल बीमा प्राधिकरणको ५७औं वार्षिकोत्सवको अवसरमा वैशाख ३१ गते प्राधिकरणको कोशी प्रदेश कार्यालयले रक्तदान कार्यक्रम  गरेको छ । गिभ ब्लड, सेभ ब्लड भन्ने नारा सहित वृहत रक्तदान कार्यक्रम सम्पन्न गरेको हो।

नेपाल बीमा प्राधिकरण कोशी प्रदेश कार्यालयका प्रमुख बिनोद कुमार पोखरेलको अध्यक्षता तथा  रेडक्रस मोरङका सभापति सुकदेब मण्डलको प्रमुख अतिथ्यतामा  भएको कार्यक्रममा ८१ पाउन्ड रगत संकलन भएको प्रमुख पोखरेलले बताउनुभयाे ।  रक्तदातालाई प्रमाणपत्र प्रदान गर्दै यस्तो पुण्य काममा सहभागी भएकोमा नेपाल बीमा प्राधिकरण कोशी प्रदेश कार्यालयका प्रमुख बिनोद कुमार पोखरेल धन्यबाद  दिनुभएकाे छ ।

उक्त रक्तदान कार्यक्रम विराटनगरको बरगाछीमा सम्पन्न भएको थियो । व्यवसायिकताका साथै सामाजिक काममा पनि सक्रियताका साथ लागिरहेको जीवन तथा निर्जीवन बीमाका कर्मचारी, बीमा अभिकर्ता, सर्भेयर, लगायत सर्वसाधारणको समेत उल्लेख्य उपस्थिति रहेकाे थियाे ।