इटहरी । मोरङको मिक्लाजुङ गाउँपालिका–७, मधुमल्ला बजारमा आज ३२ औँ मदन–आश्रित स्मृति दिवसको अवसर पारेर खुला रक्तदान कार्यक्रम सम्पन्न भएको छ । रिटर्नी फेडेरेसन नेपालले आयोजना गरेको उक्त कार्यक्रम जेठ ३ गते शनिबार बिहान ७ बजेबाट १० बजेसम्म सञ्चालन गरिएको थियो । कार्यक्रम मधुमल्ला बजारस्थित जेष्ठ नागरिक चौतारोमा सम्पन्न भएको हो । बिराट मेडिकल कलेज टिचिङ हस्पिटल, बिराटनगरको प्राविधिक सहयोगमा सञ्चालन गरिएको सो कार्यक्रममा ४५ जनाले रक्तदान गरेका छन् । रक्तदान कार्यक्रममा कोसी प्रदेश इञ्चार्ज धर्मेन्द्र खड्का प्रमुख अतिथि रहनु भएको थियो भने विशिष्ट अतिथिका रूपमा सुमन नेम्बाङको उपस्थिति रहेको थियो ।