इटहरी । तेक्वान्दो डोजाङको आयोजनामा सम्पन्न एक दिवसीय तेक्वान्दो प्रतियोगितामा हाम्रो तेक्वान्दो डोजाङ प्रथम भएको छ । इटहरी ५ स्थित बेबिलोन स्कुलको प्राङ्गणमा सम्पन्न प्रतियोगितामा इटहरी क्षेत्रका विभिन्न विद्यालयहरूबाट १० वटा डोजाङहरूले सहभागिता जनाएका थिए । प्रतियोगितामा सबै डोजाङहरूले आफ्नो उत्कृष्ट प्रदर्शन प्रस्तुत गरे पनि, हाम्रो तेक्वान्दो डोजाङ उत्कृष्ट प्रदर्शन सहित प्रथम स्थान हासिल गर्न सफल भएको थियो । त्यसैगरी, दोस्रो स्थान पकली तेक्वान्दो डोजाङले प्राप्त गर्दा तेस्रो स्थान ब्लेस तेक्वान्दो डोजाङले प्राप्त गरेको छ । प्रतियोगिताको विजेताहरुलाई प्रमुख अतिथि समाजसेवी निराजन पाण्डे र आईतबारे तेक्वान्दो डोजाङका प्रमुख सुमित थापाले शिल, मेडल र प्रमाणपत्र प्रदान गर्नुभएको थियो । कार्यक्रममा प्रमुख थापाले खेलकुदले युवाहरूमा अनुशासन, आत्मविश्वास र नेतृत्व विकासमा महत्वपूर्ण भूमिका खेल्ने बताउनुभयो । आगामी दिनहरूमा अझ स्तरीय प्रतियोगिताहरू आयोजना गर्दै तेक्वान्दोलाई गाउँ–सहरमा लोकप्रिय बनाउने लक्ष्य रहेको उहाँले बताउनुभयो ।