इटहरी । संखुवासभाको मादी नगरपालिकामा चार वटा वडाका लागि वडा कार्यालय भवन निर्माणका उद्देश्यले विस्तृत परियोजना प्रतिवेदन (डिपिआर) तयार पारिएको छ । २०८१÷८२ को विनियोजित बजेट अन्तर्गत वडा नम्बर १, २, ८ र ९ का लागि डिपिआर तयार पारिएको हो । डिपिआर निर्माणका लागि मादी नगरपालिकाले पूर्वाञ्चल इन्जिनियरिङ कन्सल्टेन्सी, इलामसँग सम्झौता गरेको थियो । नगरप्रमुख जीवन लिन्थेपले सोचेअनुसार नै डिपिआर तयार भएको जानकारी दिँदै छिट्टै छलफल गरी भवन निर्माण प्रक्रिया अघि बढाइने बताउनुभएको छ । मादी नगरपालिकामा हाल ९ वटा वडा छन् । वडामा कार्यालय भवन नहुँदा सेवा प्रवाहमा कठिनाइ भइरहेको छ ।
_1692346234_1692579957_1696057934.jpg)
