इटहरी । झापामा २८ वर्षीय एक युवतीलाई बलात्कार गरेको आरोपमा एक जना पक्राउ परेका छन् । पक्राउ पर्नेमा कचनकवल गाउँपालिका(६ पल्लाबारी बस्ने २३ वर्षीय हरदेव यादव रहेका छन् । उनलाई प्रहरीले आइतबार साँझ पक्राउ गरेको हो । हरदेवले ती युवतीलाई जबर्जस्ती करणी गरेको भन्ने उजुरीको आधारमा जिल्ला प्रहरी कार्यालय झापा र इलाका प्रहरी कार्यालय बनियानीबाट खटिएको प्रहरीले उनलाई पक्राउ गरेको हो । घटनाका विषयमा प्रहरीले आवश्यक अनुसन्धान गरिरहेको जनाएको छ ।