काठमाडौँ । प्रधानमन्त्री सुशीला कार्कीले जेनजी आन्दोलनमा घाइते भएका युवाहरुको स्वास्थ्य अवस्थाबारे जानकारी लिनुभएको छ । शनिबार काठमाडौैंको सिभिल अस्पताल र ट्रमा सेन्टर पुगेर उहाले उपचाररत घाइतेहरूको स्वास्थ्य अवस्थाबारे जानकारी लिनुभएको हो । सो क्रममा प्रधानमन्त्री कार्कीले घाइतेको उपचारमा कुनै पनि कमि हुन नदिन आग्रह गर्नुभएको थियो । युवाहरुको आन्दोलनका क्रममा देशभर मृत्यु हुनेको संख्या ५१ पुगेको छ भने १७ सय भन्दा बढि घाइते भएका थिए । अहिले पनि २५० भन्दा बढि घाइतेको बिभिन्न अस्पतालमा भर्ना गरेर उपचार भइरहेको छ ।