इटहरी । विशेष सूचनाका आधारमा सुनसरी प्रहरीको टोलीले इनरुवा नगरपालिका–४, बसचौकस्थित पूर्व–पश्चिम राजमार्गबाट लागूऔषधसहित दुई किशोरलाई पक्राउ गरेको छ। पक्राउ पर्नेमा रामधुनी नगरपालिका–५ का १७ वर्षीय दिप्सन कार्की र रामधुनी–३ का १७ वर्षीय एलिस चौधरी रहेका छन् । उनीहरूलाई चेकजाँच गर्दा दिप्सनको साथबाट १।७४ ग्राम ब्राउनसुगर र ४४० पिस ट्रामाडोल क्याप्सुल फेला परेको प्रहरीले जनाएको छ। दुवैलाई नियन्त्रणमा लिई जिल्ला प्रहरी कार्यालय सुनसरीमा राखेर थप अनुसन्धान भइरहेको प्रहरीले जनाएको छ।