इटहरी । विराटनगर महानगरपालिका–११ का ५६ वर्षीय राजेन्द्रप्रसाद पौडेलको आफ्नै घरको छतबाट खसेर मृत्यु भएको छ । प्रहरीका अनुसार मंगलबार राति करिब ११ः४५ बजेतिर तीन तले घरको छतबाट खसेका पौडेल गम्भीर घाइते भएका थिए । उनलाई तत्काल उद्धार गरी विराट नर्सिङ होम पुर्याइएको थियो । तर, उपचार सुरु हुनुअघि नै चिकित्सकले मृत घोषित गरेको मोरङ प्रहरीले जनाएको छ । मोरङ प्रहरी प्रवक्ता डीएसपी कोपिला चुँडालका अनुसार पौडेल के गर्ने क्रममा छतबाट खसे भन्नेबारे प्रष्ट हुन बाँकी छ । शव अहिले विराट नर्सिङ होममै राखि घटनाबारे थप अनुसन्धान भइरहेको उनले बताइन् ।