इटहरी । झापाको कमल गाउँपालिका–७ रंगपुरस्थितबाट ५५ राउण्ड गोली फेला परेको छ। स्थानीयले केराबारीमा सेतो बोरामा गोली फेला पारेको जानकारी गराएपछि गोली बरामद गरिएको जिल्ला प्रहरी कार्यालय झापाका डीएसपी खगेन्द्रबहादुर खड्काले जानकारी दिए । इलाका प्रहरी कार्यालय, दमकबाट खटिएको टोलीले बोरामा राखिएको अवस्थामा एसएलआर राइफलका ५५ राउन्ड गोली बरामद गरेको हो । घटनाबारे थप अनुसन्धान भइरहेको प्रहरीको भनाइ छ ।