इटहरी । काग तिहारका अवसरमा कलाकार रमेश दुलालले काठमाडौंको नारायणहिटी दरबार सङ्ग्रहालयद्वार अगाडि काग सम्मेलन गर्नुभएको छ । आइतबार बिहानै दुलालले आफ्नो विशेष कला प्रस्तुत गर्दै कागलाई आकर्षित गर्दै कागलाई आवाज दिनुभएको थियो । उहाँले कागको आवाज निकाल्नासाथ कागहरु वरिपरि जम्मा भएका थिए ।  दुलालले काग तिहारको दिन काग सम्मेलन गर्न थालेको अहिले २२ वर्ष भएको जानकारी दिनुभयो । यसपटक भने शुद्ध सांस्कृतिक उद्देश्यले काग सम्मेलन गरेको उहाले बताउनुभयो । काग तिहारलाई धार्मिक र सांस्कृतिक दुवै अर्थमा मनाइने परम्परालाई जोगाउन तथा जनचेतना जगाउन आगामी दिनमा निरन्तर रुपमा काग सम्मेलन गर्ने उहाको भनाइ छ ।