सिटी सहकारीको २२औं वार्षिक उत्सवमा रक्तदान ६४ पिन्ट रगत संकलन

इटहरी । सिटी बचत तथा ऋण सहकारी संस्था इटहरीको २२औं वार्षिक उत्सवको अवसर पारेर आयोजना गरिएको रक्तदान कार्यक्रममा ६४जनाले रक्तदान गरेका छन ।

  समयसमयमा रक्तदान लगायतका सामाजिक कार्य समेत गर्दै आएको सिटी बचत तथा ऋण सहकारी संस्थाले आयोजना गरेको रक्तदान कार्यक्रममा ६४जना महिला पुरुषले रक्तदान गरेका हुन ।

   सहकारीका अध्यक्ष पुष्कर थापाको अध्यक्षता तथा कोशी प्रदेश सभा सदस्य रेवतीरमण भण्डारीको प्रमुख आतिथ्य रहेको रक्तदान कार्यक्रम सहकारीकी उपाध्यक्ष विष्णु शर्मा नेपालको संयोजकत्वमा भएको थियो ।

मानवीय उपचारका लागि आवश्यक पर्ने रगत संकलन कार्य विगतका वर्षहरुमा बैशाख जेष्ठ महिनामा रक्तदान कार्यक्रमहरु कम हुने गरेको पाइन्छ । रक्तदान कम हुने जाडो मौषम र वर्षायाममा समेत इटहरी क्षेत्रमा भने रक्तदान कार्यक्रमहरु आयोजना हुने गरेका छन ।