उद्योग वाणिज्य संघ इटहरीको अगुवाईमा २ सय २८ जनाले गरे रक्तदान

इटहरी । मानव उपचारका लागि आवश्यक पर्ने रगत अभाव भइ रहेको अवस्थामा  उद्योग वाणिज्य संघ इटहरीको अगुवाईमा भएको रक्तदान कार्यक्रममा २ सय २८ जनाले रक्तदान गरेका छन ।

   उद्योग वाणिज्य संघ इटहरीको अगुवाईमा वुल्स ऐलेभेन , किवानीज क्लव इटहरी , रोटरी क्लव अफ इटहरी , इटहरी जेसिज ,इटहरी लेडिज जेसिज लगायतका संघ सस्थाको आयोजनामा भएको रक्तदान कार्यक्रममा २ सय २८ज ना महिला पुरुषले रक्तदान गरेका हुन ।

नागरिक समाज इटहरीकी अध्यक्ष बालिका खड्काले रगत आफैले वनाउन नसकिने तथा विज्ञानले समेत वनाउन नसकेको कारण उपचारका लागि आवश्यक पर्ने रगत दान गर्ने कार्य पवित्र भएको वताइन ।

रक्तदान कार्यक्रमका साथै विभिन्न कार्यक्रम गर्दै आएको उद्योग वाणिज्य संघ इटहरीले दुई महिनाको अवधिमा उद्योगी व्यवसायीहरुको हकहितका लागि १९वटा कार्यक्रम आयोजना गरेको अध्यक्ष जिवन पराजुलीले जानकारी गराए । उनले उद्योगी व्यवसायीहरुले वुझाउने कर राजस्वको २५ प्रतिशत मात्र उद्योग व्यवसायको क्षेत्रमा खर्च गर्नेहरु भने उद्योगी व्यवसायीको हकहितका क्षेत्रमा महत्वपुर्ण योगदान पुग्ने समेत वताए ।

उद्योग वाणिज्य संघ इटहरीका आश्रीत चापागाईको संयोजकत्वमा भएको रक्तदान कार्यक्रममा नेपाल रेडक्रस सोसाईटी रक्तसंचार केन्द्र धरानले प्राविधिक सहयोग पुर्याएको थियो । नेपाल रेडक्रस सोसाइटी रक्तसंंचार केन्द्र धरानमा संकलन हुने रगत मध्ये ४० प्रतिसत इटहरी बाट मात्र संकलन हुने तथ्यांक रहेको छ ।