नेतृत्व क्षमताको विकास का लागि विद्यार्थीहरु लाई एनसिसी तालिम

विद्यार्थीलाई एनसिसी तालिम सञ्चालन गर्नु अघि श्री कृष्णदल गणले विद्यालय व्यवस्थापन समिति, अभिभावक , शिक्षक विद्यार्थी सहभागिता गराएर एनसिसी सम्वन्धी जानकारी सहित तालिमको भिडियो गणपति प्रमुख सेनानी श्री अमित लामाले प्रस्तुत गरेका थिए । आजबाट सुरु भएको तालिममा श्री कृष्णदल गणका सेनानी रुपेस चापागाँईले तालिमको सफलताका लागि शुभकामना सहित  सि.सं. १८ एनसिसी सिनियर डिभिजन तालिमको प्रथम प्रवचन दिएका थिए ।नेपाली सेनाले सामुदायिक तथा संस्थागत विद्यालयमा अध्ययनरत विद्यार्थीहरुलाई नेपाल सरकारको प्राथमिकता प्राप्त कायक्रम अनुरुप एनसिसी तालिम सञ्चालन गर्दै आएको छ । सुनसरीको ईटहरीमा रहेको नेपाल दयानन्द वैदिक मिसन ग्लोबल एकेडेमी, धरानमा रहेको आईडियल बोर्डिङ्ग स्कुल र धरानमा नै रहेको  सैनिक आवासिय महाविद्यालयमा एनसिसी तालिम संचालन भई रहेको छ।   श्री कृष्णदल गणका गणपति प्रमुख सेनानी अमित लामाले २४ गते सिनियर डिभिजन तर्फ धरान, बराहक्षेत्र र ईटहरीका विद्यालयमा अध्यनरत छात्र÷छात्रा, विद्यालय संचालन समितिका पदाधिकारी, शिक्षक तथा अभिभावकहरुलाई सहभागि गराई एमसिसि तालिम सम्बन्धी जानकारी मुलक कक्षा तथा तालिमको भिडियो समेत प्रस्तुत गरिएको थियो । सुनसरीमा हाल सम्म ११सय ९ जना छात्र छात्राले तालिम लिइसकेका छन ।