_1692346234_1692579957_1696057934.jpg)
इटहरी / विश्व क्यान्सरको दिवसको अवसरमा इटहरी वडा नम्बर १५ र १६ मा क्यान्सर सम्वन्धि ग्रामिण सचेतना तथा परिक्षण कार्यक्रम गरिएको छ ।
इटहरी उपमहानगरपालिका वडा नम्बर १५ र १६ को आयोजनामा महिलाहरूको पाठेघर क्यान्सर सम्बन्धि समस्या र महिलाको रोग सम्बन्धि सचेतना गराइएको हो । इटहरी मेडिकलका स्वास्थ्यकर्मी र इटहरी अस्पतालका स्वास्थ्य कर्मीहरूले क्यान्सर रोगबाट हुने स्वास्थ्य समस्याका विषयमा घरदैलो कार्यक्रम गरेर जानकारी गराएका थिए ।
क्यान्सर रोग जटिल रोग भएकाले समयमै ध्यान दिन सके यसबाट बच्न सकिने इटहरी अस्पतालका डाक्टर निशा अधिकारीले बताउनुभयो । महिलाहरूको सामान्य उपचार यहीँ भएकाले जटिल रोग भएका महिलालाई इटहरी अस्पतालमा उपचार गर्ने उहाँको भनाइ छ ।
इटहरी उपमहानगरपालिकाका उप प्रमुख संगिता कुमारी चौधरी ,मेची महाकाली बुहारी संयुक्त आवाज कोशी प्रदेशकी संयोजक पिङ्की थापा,उव्धि युवा क्लबका प्रतिनिधि र स्वास्थ्य कर्मीको सहभागीता रहेको थियोे ।
नेपालमा पनि विभिन्न जनचेतनामूलक कार्यक्रम गरी मनाइको छ ।
