_1692346234_1692579957_1696057934.jpg)
इटहरी / लायन्स क्लब अफ इटहरी एक्टिभद्वारा निशुल्क स्वास्थ्य शिविर, साथै रक्तदान कार्यक्रम आयोजना गरीएको छ। क्लबले इटहरी उपमहानगरपालिका वडा नं ५ मा रहेको ज्योति मा बि प्राङ्गणमा फागुन ७ गते सोमवार निशुल्क आँखा जाँच, स्त्री तथा प्रसुती रोग, फिजिसियन, दन्त शिविर सम्बन्धि स्वास्थ्य शिविरको आयोजना गरेको छ।
स्वास्थ्य शिविरबाट करिब ५ सय जनाले सेवा लिएको र क्लबले सामाजिक कार्य गर्ने हेतुले क्लबको स्थापना भएको बताउँदै इटहरीलाई स्वास्थ्य, सफा सुघ्घगर र हरित बनाउने अभियानमा आफुहरु लागेको क्लबका अध्यक्ष मन्दिरा भट्टराईले बताउनुभयो।
शिविरमा नवदृष्टि आइ हस्पिटल र सान्वि हस्पिटल लबिपुरले स्वास्थ्य परिक्षणमा सहयोग गरेको छ। सोही अवसरमा क्लबले गरेको रक्तदान कार्यक्रममा ३१ जनाले रक्तदान समेत गरेको प्रविण माधुरी सेवा प्रतिस्ठान अध्यक्ष देबि आचार्यले जानकारी दिनुभयो ।
कार्यक्रमका प्रमुख अतिथि लायन्स क्लबका डिस्ट्रीक गभर्नर बिजय हरि सर्माले प्रभाव छोड्ने गरी सबै समेटेर विषेष दिनमा विषेष कार्यक्रम गरेकोमा बधाई दिनुका साथै कार्यक्रमको सफलताको कामना व्यक्त गर्नुभयो।
कार्यक्रम लायन्स क्लब अफ इटहरी एक्टिभ, लियो क्लब अफ इटहरी एक्टिभ र प्रविण माधुरी सेवा प्रतिस्ठानको आयोजना तथा इटहरी उपमहानगरपालिका वडा नं ५ को सहकार्यमा स्वास्थ सचेतना र संस्थाको सामाजिक उत्तरदायित्वलाई मध्यनजर गर्दै कार्यक्रम गरिएको कार्यक्रम संयोजक युवराज काफ्लेले बताउनुभयो।
