_1692346234_1692579957_1696057934.jpg)
इटहरी / इटहरी उपमहानगरपालिका वडा नं ११ का ४४५ घरधुरीलाई उन्नत तरकारी बीउ वितरण गरिएको छ । इटहरी उपमहानगरपालिका ११ का किसानले घरमा खाने सब्जी किन्न बजार जानु नपरोस र राम्रो उत्पादन देखेर व्यावसायिकरूपमा तरकारी खेती गर्न आकर्षित होउन् भन्ने हेतुले बीउ वितरण गरिएको वडाध्यक्ष केसब प्रसाद कोइरालाले बताउनुभयो ।
४४५ घरधुरीलाई आयआर्जनमा वृद्धिमा लाग्न प्रेरित गर्न तरकारीका बीउ सहयोग गरेको वडा सदस्य किसोर काफ्लेले बताउनुभयो। 
वडाभित्रका सबै घरधुरीलाई सात प्रकारका उन्नत बीउ वितरण गर्ने योजना भएपनि बजेट अभावका कारण निस्चित घरधुरीले मात्र बिउ पाएकोले आगामी दिनमा सबैलाइ समेटेर लाने वडा सदस्य भेदुलाल बिस्वासले बताउनुभयो ।
वडा वासिन्दाको माग अनुसार भिन्डी, बोडि, करेला, लट्टे साग, काक्रा र घिरौंला छ प्रकारका बीउ वितरण गरिएकाे वडा सदस्य मालती चौधरीले बताउनुभयो।
विभिन्न समयमा आफ्ना वडावासीलाई आवश्यकतानुसार तालिम, खाद्यान्नलगायत सहयोग गर्दै आएको निरू सरदारनी ले बताइन ।
इटहरी ११ नं वडामा कृषि योग्य जमिन धेरै छ त्यसैले वडामा कृषि सम्बन्धी कार्यक्रम हरु लाइ प्राथमिकतामा राखेर काम गरेको र अन्य बिकास निर्माणको कामहरु पनि तिब्र रुपमा अघि बढेको वडाध्यक्ष केसब प्रसाद कोइरालाले बताउनुभयो ।
