इटहरी । पथरी शनिश्चरे वडा नम्बर २ को आयोजनामा शान्तिचोक देखि नगर अस्पतालसम्म वातावरण मैत्री कपूर वृक्षारोपण गरिएको छ । बुधबार नगर अस्पताल रोडलाई वातावरण मैत्री बनाउने उद्देश्यले ५० बढी बिरुवाहरू रोपिएको हो । वडा अध्यक्ष नैना साम्पाङ राईको अगुवाईमा सम्पन्न भएको उक्त वृक्षरोपण कार्यक्रममा वडा सदस्य चन्द्रकुमार राई, शान्ति टोल विकास समितिका अध्यक्ष राजकुमार गेलाल, पथरी नगर अस्पताल रोड टोल विकास समितिका अध्यक्ष रणबहादुर फागो, जेष्ठ नागरिकहरु यज्ञप्रसाद ढुंगेल, शिव शंकर ढकाल, दिल गम्भीर राई, धनमाया ढकाल, तथा स्थानीय युवाहरूको सहभागितामा सम्पन्न भएको थियो ।