इटहरी । दुहबी नगरपालिकाको स्वास्थ्य शाखाले तयार पारेको तथ्याङ्कले    रिषिदेव समुदायका  ५० प्रतिशत बालबालिका हरुमा  कुपोषणको शिकार बन्दै गएको   देखाएको छ । दुहबी नगरपालिकामा पोषणमैत्री  स्थानिय शासनको अवधारणा सम्वन्धी  अभिमुखिकरण कार्यक्रममा  स्वास्थ्य शाखाका प्रमुख बिन्देस्वर प्रसाद महतोले  उक्त डाटा  सार्वजनिक गर्नुभएको हो ।  दुहबी  नगरपालिकामा बार्षिक  लगभग ११ सय ५० बालबालिकाको  जन्मदर  रहेको  त्यसमा ३३% कुपोषित बालबालिका  देखिएको तथ्याङ्क भेटीएको छ ।   दुहबी  नगरपालिकामा १०%  जनसंख्या रिषिदेव समुदायको  रहेको छ ।   दुहबी नगरपालिकाले  बार्षिक ३३ लाख भन्दा बढी रकम  पोषण क्षेत्रमा खर्च गर्दै आएको भए पनि तुलनात्मक रुपमा  पर्याप्त नभएको भन्दै   महतोले   निजि क्षेत्रका ब्यावसायिहरुले  सामाजिक उत्तरदायित्व तर्फ खर्च गर्नुपर्ने १% रकम  पोषणमा  लागु गरे प्रभावकारी रहने  जानकारी दिनुभयो । बालमैत्री शासनको मुख्य प्रारम्भ पोषण रह्को भन्दै  कार्यबाहक नगर प्रमुख मेनुका खतीवडाले दुहबी  नगरपालिकाले   सुनौला हजार दिन ,   बिद्यालयमा दिवा खाजा  ,   जस्ता कार्यक्रम  सन्चालन गर्दै आएको र थप  पोषण सम्बन्धी कार्यक्रम   सन्चालन गरिने जानकारी दिनुभयो ।