_1692346234_1692579957_1696057934.jpg)
सुनसरी | सुनसरीको बराहक्षेत्र -६ चक्रघट्टी मा भएको प्रथम चक्रघट्टी नकआउट फुटबल प्रतियोगिताको उपाधि चिल्ड्रेनहार्ट फुटबल एकेडेमीले हात पारेको छ। फाइनल खेलमा आयोजक चक्रघट्टीलाई २-० गोलको अन्तरले पराजित गर्दै एकेडेमीले उपाधि जित्न सफल भएको हो।
खेलको म्यान अफ द म्याच चिल्ड्रेनहार्ट एकेडेमीका सन्दिप श्रेष्ठ बने। उक्त टिमले नगद ५०,५५५ रुपैयाँ र ट्रफी प्राप्त गरेको छ भने उप-विजेता चक्रघट्टीले ३०,३३३ रुपैयाँ र ट्रफी प्राप्त गरेको र यसै प्रतियोगितामा विभिन्न खेलाडीहरूले व्यक्तिगत उपाधि हात पारेका छन्।
प्रतियोगिताबाट बेस्ट गोलकिपर बिवस चौधरी, बेस्ट डिफेन्डर: अनिस चौधरी, बेस्ट फर्वर्ड अभिषेक कालिकोटे, बेस्ट मिडफिल्डर धिरेन लिम्बू,प्लेयर अफ द टुर्नामेन्ट: राजकुमार राई, राइजिङ्ग प्लेयर: रिजन बस्नेत र सर्बाधिक गोलकर्ता: पुजन चौधरी (४ गोल) गरेका थिए ।
फाइनल खेलको अवसरमा प्रमुख अतिथि बराहक्षेत्र नगरपालिका वडा नं. १० का वडा अध्यक्ष तेज बहादुर गुरुङ उपस्थित थिए। यस अवसरमा स्थानीय खेल प्रेमी, शैक्षिक एवं बौद्धिक व्यक्तित्वहरूको उपस्थिति रहेको थियो।
