इटहरी । मोरङको बेलबारीमा रहेको पाराङहा एकेडेमीले मेमोरी ट्रेनिंग, क्रिएटिभ लर्निङ तथा लोकसेवा सम्बन्धी कक्षा संचालन गर्ने भएको छ । बेलबारीमा पत्रकार सम्मेलन गर्दै एकेडेमिले मेमोरी ट्रेनिंग र क्रिएटिभ लर्निङ तथा लोकसेवा सम्बन्धी कक्षा संचालन गर्ने जानकारी दिएको हो । पत्रकार सम्मेलनमा बोल्दै प्रशिक्षक सुसान्त शर्माले बैज्ञानिक रूपमा मेमोरी टेक्निक सम्बन्धी तालिम दिँदै सृजनात्मक सिकाईको माध्यमबाट पढ्ने,सम्झने र लेखनको विशेष सीप विकास गर्दै उच्च प्रतिस्पर्धात्मक क्षमताको विकास गराउने उदेश्यका साथ कक्षा संचालन गर्ने बताउनुभयो । लोकसेवा, शिक्षक सेवा, संस्थान, संगठित संस्था आदिको परीक्षा तयारी गराउने योजना रहेको उहाँले बताउनुभयो । स्कूल, कलेज, लोकसेवा, शिक्षकसेवा, बीएलई , एसईई र प्लस टु लगायतका विद्यार्थीहरूलाई मुख्य प्रथामिकता दिने बताईएको छ । विद्यार्थीहरूलाई पढेका कुराहरू याद नहुने, पढाइमा रुची नहुने, पढाईको लागि समय व्यवस्थापन गर्न कठिन हुने, परीक्षा तयारी नपुग्ने आदि जस्ता समस्या भएका व्यक्तिका लागि यो कक्षा सबैभन्दा उत्तम विकल्प हुने बताइएको छ । यो कक्षाले स्मरणशक्ति, ध्यान, र सिर्जनात्मक क्षमताको विकास गराउने छ । एकेडेमीका प्रबन्ध निर्देशक कर्ण राईले कक्षा ८ देखि माथिका बिद्यार्थीहरुका लागी मेमोरी ट्रेनिंग र क्रिएटिभ लर्निङका कोषहरु सञ्चालन गर्न लागिएको बताउदै सहभागीहरूले तालिमबाट केवल याद गर्न मात्र नभएर पढ्ने, सम्झने र लेखन कलाको विश्वस्तरिय दिर्घकालिन उपयोगी सीप प्राप्त गर्ने बताउनुभयो ।