इटहरी । कोशी प्रदेशका मुख्यमन्त्री हिक्मतकुमार कार्कीले किरात धर्मका महागुरु फाल्गुनन्द लिङदेनको १४० औं जन्मजयन्तीका अवसरमा महागुरुका सत्य, अहिंसा र नारी सम्मानका शिक्षालाई प्रदेशको नीति र व्यवहारमा रूपान्तरण गर्ने प्रतिबद्धता जनाउनुभएको छ । उहाँका अनुसार फाल्गुनन्दले प्रचार गरेको ‘सत्य बोल्ने, अहिंसा अपनाउने र नारीको सम्मान गर्ने’ सन्देश आजको समाजका लागि अझ सान्दर्भिक बनेको छ । महागुरु फाल्गुनन्दको शिक्षाबाट प्रेरित भई शान्त, समृद्ध र सहिष्णु समाज निर्माणमा सबैले भूमिका निर्वाह गर्नुपर्नेमा मुख्यमन्त्री कार्कीले जोड दिनुभयो ।