_1692346234_1692579957_1696057934.jpg)
इटहरी । पुर्वी मोरङको पथरी शनिश्चरे वडा नं २ को पारुहाङ सरस्वती टोल विकास समितिले सार्वजनिक बिसौनी चौतारा र धारा निर्माण गरेको छ ।
यात्रीहरू तथा बुढापाकाहरुलाई आफ्नो साथी संगीसँग मनको भावना साटासाट गर्न र तिर्खा लाग्दा पानी पिउन सजिलो होस् भन्ने उद्देश्यले सार्वजनिक फलैचा र धारा निर्माण गरिएको हो । नयाँ शुद्ध पिउने पानीका सार्वजनिक धाराहरू र फलैचाहरुको औपचारिक रुपमा सोमबार पथरी शनिश्चरे वडा नं २ का वडाध्यक्ष नैना साम्पाङ राईले उद्घाटन गर्नुभएको थियो ।
पारुहाङ सरस्वती टोल विकास समितिको संयुक्त पहलमा सार्वजनिक चौतारा, धारा र अफिसको निर्माणका लागि १ लाख १५ हजार रुपैयाँ बराबरको प्रारम्भिक खर्च भएको पारुहाङ टोल विकास समितिका सचिव तिलक गुरुङले बताउनुभयो ।
