इटहरी। कोशी प्रदेशको झापा,मोरङ र सुनसरीमा सघन रुपमा बसोबास गर्दै आएका आदिवासी  धिमाल समुदायको सबैभन्दा ठूलो पर्व जात्रि९सिरिजात० को अवसरमा मोरङ र झापाका पाँच पालिकाले सार्वजनिक बिदा दिएका छन् ।

झापाको दमक ,मोरङका उर्लाबारी ,पथरीशनिश्चरे,बेलबारी नगरपालिका र कानेपोखरी गाउँपालिकाले असार २ गते सार्वजनिक बिदा दिएका हुन् । धिमाल समुदायले सबैभन्दा ठूलो पर्व जात्रि९सिरिजात० वैशाख २ गते लेटाङ १ राजारानीमा रहेको धिमालडाँडा ग्रामथानमा पुजाआजा गरी सुरु गरेर असार २ गते समापन हुँदै  आएको छ। झापा,मोरङ र सुनसरीका १०४ वटा ग्रामथानमा धिमालहरूले सामुहिक रुपमा दुई महिनासम्म पुजाआजा गर्ने गर्छन् ।

असार २ गते धिमाल जातीय विकास केन्द्र केन्द्रीय समितिले मोरङको उर्लाबारी ३ स्थित दशबिघेमा हरेक वर्ष जात्रि समापन कार्यक्रम आयोजना गर्दै आएको छ।  धिमाल जातीय विकास केन्द्रले असार २ गते कोशी प्रदेशभर सार्वजनिक बिदा दिनुपर्ने माग राख्दै आएको छ ।