_1692346234_1692579957_1696057934.jpg)
काठमाडौं / प्रमुख प्रतिपक्षी दल एमालेका अध्यक्ष केपी ओलीले कृष्णप्रसाद भट्टराई र गणेशमान सिंहले नेपाली कांग्रेस त्यसै नछाडेको बताएका छन् । उनले कांग्रेस बिग्रिएका कारण नेताद्वयले जीवनको अन्तिमकालमा पार्टी छाडेको बताए ।गण्डकी प्रदेशको राजधानी पोखरामा साेमबार आयोजित पार्टीको चुनावी सभालाई सम्बोधन गर्दै ओलीले दुवै नेता नाच्दै हाँसेर पार्टीबाट ननिस्किएको बताए ।‘कृष्णप्रसाद भट्टराई (किसुनजी)ले यत्तिकै कांग्रेस पार्टी छाडेका होइनन् । जीवनको उत्तरार्द्धकालमा पार्टी छाड्नुभयो । नेता गणेशमान सिंहले पनि यत्तिकै पार्टी छाड्नु भएको होइन । २००३ सालमा भद्रगोल जेल तोडका नेताले यत्तिकै हाँस्दै हाँस्दै, नाच्दै
सिरहा / आसन्न स्थानीय तह निर्वाचनमा उम्मेदवारी दिएका एक जनाको मृत्यु भएको छ । नेकपा एमालेबाट सिरहा नगरपािलका-५ का वडा सदस्यका उम्मेदवार ६५ वर्षीय मुना सेखको मृत्यु भएको हो ।उनको कालगतिले मृत्यु भएको जिल्ला प्रहरी कार्यालय सिरहाका सूचना अधिकारी सुवास बुढाथोकीले जनाए । उनको मृत्युपछि उनकै श्रीमती रहमान खातुनले उम्मेदवारी दिएकी छिन्।सेखको मृत्यु भएको खबर पाएलगतै निर्वाचन आयोगलाई सूचना दिएर निर्वाचन आयोगले पठाएको प्रकृया अनुसार ३० वैशाखकै निर्वाचनमा सहभागी हुने गरी उम्मेदवारी दर्ता गरी आवश्यक प्रकृया पूरा गरी निर्वाचन चिह्न समेत प्रदान गरिसकिएको प्रमुख निर्वाचन अधिकृत प्रकाश खरेलले जानकारी दिए।निर
पोखराः एमाले अध्यक्ष केपी ओलीले पाँचदलीय गठबन्धनलाई पशुपतिको बाँदरसँग दाँजेर मतपेटिका लुट्न सक्ने आरोप लगाएका छन् । ‘पशुपतिमा फूलपाती लिएर गयौं भने फूलपातीको टोकरी बाँदरले खोजेर लान सक्छ,’ उनले भने, ‘त्यहाँ त एउटा बाँदर आउँछ । यहाँ (चुनावमा) पाँचवटा छन् । हामी सतर्क हुन जरुरी छ । धाँधलीबाट परिणामलाई तलमाथि हुन दिनुहुँदैन ।गठबन्धनले धाँधली गर्न सक्ने भन्दै त्यसतर्फ सचेत रहन उनले कार्यकर्तालाई सुझाब दिएका छन् । ‘पाँचदलीय गबठन्धन भोटले जित्ने होइन । भोटले हारेपछि मतपत्र च्यात्ने, चपाउने, निल्ने गर्छन् । के के गर्न सकिन्छ नचाहिँदो त्यही गर्छन्,’ उनी भन्छन्, ‘गठबन्धनमा आफ्ना मात्रै मान्छ
खोटाङ । खोटाङको दिप्रुङ चुईचुम्मा गाउँपालिका–७ टेम्माका वडाध्यक्ष धनबहादुर थापा मगरको निधन भएको छ । फोक्सोमा पानी जमेपछि बिरामी भएका थापा मगरको आइतबार राति आफ्नै निवासमा निधन भएको हो । गत ७ वैसाखमा उपचारका लागि नोवेल अस्पताल विराटनगरमा लगिएका थापा मगरलाई आइतबार राति ८ बजे घर ल्याइएको थियो ।थापा मगर २०७४ सालको स्थानीय तहको निर्वाचनमा कांग्रेसकातर्फबाट वडाध्यक्षमा विजयी बनेका थिए । १५ मंसिर १९९७ मा जन्मिएका उनी गाउँपालिकाकै ज्येष्ठ जनप्रतिनिधि थिए ।
इटहरी । सुनसरीको रामधुनी नगरपालिका वडा नम्बर ७ मा एमालेको तर्फबाट अध्यक्षमा केशव गौतमले उम्मेदवारी दिएका छन् । २०७४ सालको निर्वाचनमा निर्वाचित वडाध्यक्ष समेत रहेका गौतमले पुन अध्यक्षमा उम्मेदवारी दिएका हुन् । २०४३ सालमा अनेरास्वीयुमा आवद्ध भए सँगै राजनैतिक यात्रा सुरु गरेका गौतमले क्रमश पार्टीमा सक्रीय रहेर काम गरे । त्यस क्रममा २०४७ सालमा नेकपा एमालेको संगठित सदस्यता प्राप्त गरेका उनले गाउँ कमिटीमा रहेर तीन कार्यकाल काम गरिसकेका छन् । उनले सुनसरी जिल्लाको क्षेत्र नम्बर ६ बाट क्षेत्रीय कमिटीको संगठन विभाग प्रमुख रहेर दुई कार्यकाल काम गरेका छन् । भर्खरै सम्पन्न अधिवेशनबाट उनले एम
सुर्खेत । दैलेखको आठबीस नगरपालिकाका एमालेका मेयर उम्मेदवार तर्कबहादुर बडुवाल चढ्ने बा १९ च ५५७९ नम्बरको स्कार्पियो गाडीमा आगजनी भएको छ ।चालक गाडीभित्रै सुतिरहेको समयमा आठबीस नगरपालिका–४ राकम कर्णालीको खोलीबजारस्थित श्रृष्टि होलमा पार्क गरी राखिएको स्कार्पियोमा राति अज्ञात समूहले आगजनी गरेको हो ।चालकले टायरमा आगो लागेको थाहा पाएपछि तत्काल गाडी चलाएर नजिकै रहेको खोलाको नहरमा पुर्याएका थिए । जसले गर्दा धेरै क्षति हुन पाएन ।घटनाको विषयमा प्रहरीले अनुसन्धान गरिरहेको इलाका प्रहरी कार्यालय राकम कर्णालीले जनाएको छ ।
इटहरी । नेपाली काँग्रेसका क्रियाशील सदस्य सोनालाल चौधरीसहित ३० जना नेकपा एमाले पार्टी प्रवेश गरेका छन् । काँग्रेसको वडा नं. ४ समितिमा रहेका चौधरी समुहसहित एमाले प्रवेश गरेको नेकपा एमाले वडा नं. ४ का अध्यक्ष सुनिल कार्कीले जानकारी दिए । एमालेको संगठन, काम गर्ने शैली र भिजन देखेर चौधरी एमाले प्रवेश गरेको कार्कीले बताए ।चौधरीलाई नेकपा एमाले प्रदेश इन्चार्ज तैयब हुसैन, एमाले नेताहरु बालकृष्ण कार्की, वडा नं. ४ का वडाध्यक्ष उम्मेदवार भक्त लामालगायत एमाले नेताहरुले स्वागत गरेका थिए ।इटहरीमा नेपाली काँग्रेसलगायत गठबन्धनले चुनावी सभा आयोजना गरेकै दिन चौधरी र उनको समुह एमाले प्रवेश गरेको हो ।
पोखरा । नेकपा एमालेका अध्यक्ष केपी शर्मा ओलीले आफूले बोलेको कुरा बुझ्ने थोरैमात्र बुद्धिजीवी नेपालमा नभएको दाबी गरेका छन् ।नेकपा एमालेको सोमबार(आज) पोखरामा भएको चुनावी आमसभालाई सम्बोधन गर्दै अध्यक्ष ओलीले आफूले शास्त्रका कुरा गर्दा उखान टुक्का भनेर उडाएको गुनासो गरे ।उनले भने, ‘मैले बोलेको बुझ्ने थोरै मात्र बुद्धिजीवी छन् कि क्याहो भन्ने भयो । मैले शास्त्रका कुरा गर्छु, उनीहरु उखान टुक्का भन्छन् ।’ उखान टुक्का आफूले नभई कांग्रेसका नेताहरुले प्रयोग गर्ने उनको भनाइ थियो ।
इटहरी । इनरुवा नगरपालिकामा माओवादी पार्टीबाट उपमेयर पदको उम्मेदवारी दिएका ओके दाहालले इनरुवाको मुहार बदल्ने योजना आफूसँग रहेको बताएका छन् । दुई दशक लामो संघर्षमय राजनीतिक जीवन बिताएका दाहालले इनरुवालाई विकसित, व्यवस्थित बनाउने योजना आफूसँग रहेको बताएका छन् । उनले इनरुवावासीले आफूलाई मन पराएको र जित नजिक रहेको समेत दावी गरेका छन् । इनरुवामा उपमेयरसहित ३ वटा वडा जित्ने योजनामा आफ्नो पार्टी रहेको उनले बताएका छन् । कांग्रेस भित्रको अन्तरविरोध, गलत उम्मेदवार चयन, एमाले भित्रको गलत नेतृत्वको छनोट, जातिय सन्तुलनको असमझदारीलगायतका कारणले सबैभन्दा योग्य उपमेयर उम्मेदवार आफू नै रहेको उनल
इटहरी । इटहरी वडा नं.६ को वडा सदस्यका उम्मेदवार युवा व्यवशायी उमेश दाहालले आफूले जितेमा व्यवशायीक क्षेत्रको समस्या समाधान गर्ने बताएका छन् । होटल व्यवशायको क्षेत्रमा लामो समयदेखि सक्रिय दाहालले सबैको साझा हित र विकासका लागि आफ्नो उम्मेदवारी रहेको बताएका छन् ।दुई दशकदेखि व्यवशायमा सक्रिय उनले आफूलाई सबै पार्टीका व्यवशायी र वडावासीको समर्थन रहेको बताएका छन् । उद्योग वाणिज्य संघमा तीन कार्यकालदेखि कार्यसमिति सदस्य रहेर नेतृत्वलाई सहयोग गर्दै आएका उनी लायन्स क्लबमार्फत् समाजसेवामा पनि उत्तिकै सक्रिय छन् ।उद्योगी व्यवसायि महासंघको जिल्ला उपसचिव, राष्ट्रिय वाणिज्य संघको नगरको सचिव हुँदै नेकपा एमालेक
Copyright © 2021/2026 - Koshi Press - All Rights Reserved.
